မန္တလေးရဲ့ တန်ခူးကဆုန်

သင်္ကြန်ကတော့ ပြီးသာပြီးသွားတယ် .. နောက်ဆက်တွဲဖြစ်တဲ့ ပြဿနာတွေကို ဂျာနယ်တွေမှာဖတ်ရတော့ စိတ်မချမ်းသာဘူးဗျ .. လူသတ်မှုတွေ .. လူသေမှုတွေ .. ရိုက်မှုတွေ စုံလို့ပါပဲ ... အလကားနေရင်း ... အပြစ်မရှိဘဲ အသတ်ခံရသူတွေရှိသလို သင်္ကြန်မှာ ရန်ငြိုးတွေရှင်းတဲ့သူတွေ ရှိတာကြောင့် လည်ရမှာကို တကယ်ပဲ ကြောက်မိပါတယ် ...။ ကျွန်တော်ထင်တာ .. တစ်နှစ်ထက်တစ်နှစ် ပိုဆိုးလာသလိုပဲ ...။ မူးကြရမ်းကြ ... မှောက်ကြနဲ့ တော်တော်တော့ စိတ်ပျက်ဖို့ ကောင်းတယ် ...။ မြန်မာဆန်ဆန် သင်္ကြန်အကကို ကနေတဲ့ မဏ္ဍပ်ရှေ့မှာဆို ကြည့်မယ့်သူက မရှိသလောက်ပါပဲ ...။ ကျုံးပတ်လည်မှာ မဏ္ဍပ်တွေ ဆောက်တာ မညီမျှတော့ ကားတွေကြပ်၊ လမ်းတွေပိတ်ပြီး လည်တဲ့သူတွေလည်း သင်္ကြန်ရက်မှာ အဓိပါယ်မဲ့ကြီး ကားပေါ်မှာ အချိန်ကုန်သွားကြတယ် ...။

ခုရက်ပိုင်း မန္တလေးမှာ ရာသီဥတုက တအားကို ပူတယ် ... နေ့လည်ဆိုလည်း အပြင်ကို မထွက်ချင်လောက်အောင်ပါပဲ ...။ ဒါပေမယ့်လည်း အလုပ်က မသွားလို့မှ မဖြစ်ဘဲ .. အပူခံပြီးသွားရတာပေါ့ .. ညဆိုရင်လည်း ယပ်တောင်တစ်ကိုင်ကိုင်နဲ့ အိပ်ရတယ် ....။ နွေဘယ်တော့များမှ ကုန်မလဲလို့ ဆန္ဒစောနေမိတယ် ...။ ဒီလိုရာသီရောက်ရင် ကျွန်တော် မိုးကုတ်ကို ပြန်ပြေးချင်စိတ်တောင် ပေါက်မိပါရဲ့ ... ပြောသာပြောပါတယ် ... ဆောင်းတွင်းရောက်ပြန်တော့လည်း နွေကို ရောက်ချင်ပြန်ရော .. :P

ဒီကနေ့ ကဆုန်လပြည့်နေ့လေ ... တစ်မြို့လုံးဆိုင်တွေ တော်တော် ပိတ်ကြတယ် .. လမ်းတွေလည်း ရှင်းလို့ပဲ ... ဒါပေမယ့် လည်တဲ့သူတွေတော့ တော်တော်များတယ် .. ထုံးစံအတိုင်းပေါ့ ... ၇၃လမ်းပေါ်မှတော့ ဖျော်ရည်တွေ စတုဒိသာ တိုက်နေတာ တွေ့တယ် ... အစကတော့ ညောင်ရေသွန်းပွဲလုပ်တာကို ဓါတ်ပုံရိုက်မယ် စိတ်ကူးထားပေမယ့် အလုပ်မအားနဲ့ မရိုက်ဖြစ်လိုက်ပါဘူးဗျာ ... ရွှေကြက်ယက်မှာ တော်တော်စည်တယ်လို့ပြောတယ် ... နောက်နှစ်မှ သွားနိုင်အောင်ကြိုးစားဦးမယ် ...

10 Weird things about zawmoeaung

ဖိုးချမ်းနဲ့ မျိုးကျော်ထွန်းက Tag လုပ်ထားတယ်ဆိုလို့ ဘာများပါလိမ့်လို့ ၀င်ကြည့်လိုက်တော့ ကိုယ့်အကြောင်းကိုယ်ရေးရမှာကိုး .... ရေးဖို့စဉ်းစားလိုက်တော့ တော်တော်စဉ်းစားရခက်တယ်ဗျ ... ဖိုးချမ်းပြောသလို စာမေးပွဲစစ်နေရသလိုပါပဲ ... ကြိုးစားပမ်းစားရေးကြည့်လိုက်တဲ့အခါမှာတော့

၁။ ငယ်တုန်းက စက္ကူနဲ့အရုပ်တွေလုပ်ရတာကို တအားဝါသနာပါတယ် ...။ ကျောင်းပိတ်ရက်ဆိုရင် စက္ကူတွေ ကတ်ကြေးနဲ့ကိုက်၊ ကော်တွေကပ်၊ အရုပ်တွေလုပ် ... တစ်အိမ်လုံး ပွစာကျဲနေလို့ အရိုက်ခံရတာလည်း ခဏခဏပဲ ......

၂။ ကိုယ်မကျေနပ်လို့ မတည့်တော့တဲ့ လူတစ်ယောက်ကို ဘယ်အခြေအနေပဲရောက်ရောက် မဆက်ဆံချင်တော့ဘူး၊ အခေါ်အပြောလည်းမလုပ်ချင်တော့ဘူး .... ဘယ်လိုမှကို သူများက ညှိနှိုင်းပေးလို့ မရတော့ဘူး၊ အဲဒီလို ကလေးဆန်ဆန် အကျင့်ဆိုးကလည်း ရှိသေးတယ် ...။

၃။ အိပ်ပျော်နေရင် ယောင်တတ်တယ် ...။ အိပ်မက်မမက်တဲ့ည မရှိသလောက်ပဲ ...။ မနက်ကျလို့ အိပ်မက်ကို ဖေဖေ့ကို ပြောပြတိုင်း မင်းအိပ်မက်က အခန်းဆက်နဲ့ မက်တာလားတဲ့ ...။ အိပ်ရင်းနဲ့ ပါးစပ်က ယောင်ရင်တော့ အင်္ဂလိပ်လိုတွေ ပြောတယ်တဲ့ ...။ (သိဘူးလေ ... ကိုယ်ယောင်တာ ကိုယ်မှ မကြားရဘဲနော)

၎။ ဖေဖေက ဓနု၊ မေမေက မြန်မာလူမျိုးပါပဲ ...။ ကျွန်တော်ပုံက မျက်ရစ်မပါတော့ မသိတဲ့သူက တရုတ်လားလို့ မေးကြတယ် ...။ (ဒီလောက် အသားမည်းတာကို ...)

၅။ အလုပ်တစ်ခု လုပ်ရင် မြန်မြန်ပြီးချင်တယ် ...။ အေးအေးဆေးဆေး စဉ်းစားပြီး မလုပ်တတ်ဘူး ...။ ဒါကို မနာလိုမရှုစိမ့်သူတွေက စပ်စလူးခါလွန်းတယ်လို့ ပြောကြတယ် .. :P

၆။ ကလေးဘ၀တုန်းက တောင်ပေါ်ဒေသ အအေးပိုင်းမှာ နေလာခဲ့ပေမယ့် မန္တလေးရောက်မှ နွေရောက်လို့ပူနေရင် အေးတဲ့ ဆောင်းကို ရောက်ချင်ပြီး၊ မတရားအေးလွန်းတဲ့ ဆောင်းတွင်းကို ရောက်ပြန်ရင် ခပ်နွေးနွေးနွေရာသီကို ရောက်ချင်တဲ့ အူတိအူကြောင် အတွေးတွေလည်း ရှိတယ် ...။

၇။ အစားတစ်ခုခု စားတော့မယ်ဆိုရင် အရင်စားထားတဲ့ အစားနဲ့ မတည့်ပဲ ပွိုင်စင် ဖြစ်မှာကို အမြဲတမ်း သံသယ၀င်တတ်တယ် ...။ သေသွားရင်တောင် အစားတစ်လုပ်ကြောင့် သေသွားရှာတယ်လို့ အပြောခံရမှာ ကြောက်တယ် ....။

၈။ အခါအခွင့်သင့်လို့ Stage ပေါ်တက် သီချင်းဆိုရမယ်ဆိုရင်တော့ နေရာမရွေး၊ အချိန်မရွေး အရှက်မရှိ အသံဗြဲနဲ့ တတ်ဆိုတတ်တယ် ...။ ၀ါသနာကြီးတာကိုး ..

၉။ ရှူးရှူးပေါက်ရင်ပဲဖြစ်ဖြစ်၊ အီးအီးပါရင်ပဲဖြစ်ဖြစ် အိမ်သာအပေါက်ထဲကနေ လက်မည်းမည်းကြီး ထွက်လာမှာကို တွေးပြီး ကြက်သီးတွေ ဖြန်းကနဲ ထတတ်တယ် .... အဲဒါ ငယ်တုန်းက မလေးရှားစုန်းက ကြည့်ပြီးကတည်းကရင်းပေါ့ ....

၁၀။ ကွမ်းယာတွေ ပလဗျစ်စားပြီး ပါးစပ်ကမည်းမည်း၊ သွားကကျဲကျဲနဲ့ ကွမ်းတံတွေးတွေ ထွက်ကျကုန်မှာစိုးလို့ အောက်နူတ်ခမ်းကြီး အပြင်ကို ထုတ်ပြီး စကားတွေကို ဗလုံးဗထွေးပြောတတ်သူတွေကို သေအောင် သောက်မြင်ကပ်တယ် ....။

ကဲ ... ဒီတစ်ခါကိုယ့်အလှည့်ပေါ့ ... ဒုက္ခပေးလိုက် အဲ ... Tag လိုက်ဦးမယ် .... မရေးတဲ့သူတွေ အသားမည်းမည်း၊ သွားခေါခေါ၊ ချက်စူ ဗိုက်ပူမနဲ့ ညားပါစေသား .... :P

၁။ ကိုသခင်ကြီး
၂။ ကိုမောင်လှ
၃။ ကိုနေကြီး
၎။ ဝေမြင့်မော်
၅။ ကိုအောင်ချမ်းလင်း
၆။ S-Potato

Church

ရာသီဥတု မှိုင်းညို့နေတဲ့ တစ်နေ့မှာပေါ့ ...။

အချွန်အတက်တွေ မိုးထိအောင်ထိုးတက်နေတယ်လို့ ထင်ရတဲ့ ခရိယာန်ဘုရားကျောင်းကြီးတစ်ခုထဲကို ရောက်သွားတယ်...။ ဘုရားကျောင်းက ရှေးဟောင်းလက်ရာတစ်ခုဖြစ်ပြီး နံရံတွေမှာ အရုပ်တွေကို ဖောင်းကြွဖြစ်အောင် လက်ရာမြောက်စွာ ဖန်တီးထားတယ်...။ ကြီးမားကျယ်ပြန့်တဲ့ တံခါးရွက်ကြီး နှစ်ချပ်ကို တွန်းဖွင့်ပြီး အထဲကို လှမ်းဝင်လိုက်တယ် ...။ အ၀င်လမ်းရဲ့ တစ်ဖက်စီမှာ ပွဲကြည့်စင်လို လုပ်ထားတဲ့ ထိုင်ခုံတန်းတွေမှာ လူတွေ အများကြီး တန်းစီပြီး ထိုင်နေကြတယ်...။ သူတို့ရဲ့ မျက်နှာတွေဟာ ခံစားချက်ကင်းမဲ့နေတဲ့ မျက်နှာကိုယ်စီနဲ့ပေါ့ ...။ ဘုရားကျောင်းကြီးရဲ့ မျက်နှာကျက်ကို မော့ကြည့်လိုက်တော့ အပေါ်ကနေအောက်ကို တွဲလောင်းချဆွဲထားတဲ့ ကြီးမားလှတဲ့ မီးပန်းဆွဲတွေဟာ မီးတွေ ထိန်ထိန်ညီးနေတယ်...။ ရှိသမျှလူတွေအားလုံးဟာ စာအုပ်ခပ်သေးသေးလေးတွေ ကိုယ်စီကိုင်ပြီး ဓမ္မတေးကို ပြိုင်တူသီဆိုနေကြတယ်...။ သီဆိုနေကြတဲ့ တေးသံတွေဟာ မိုးထိအောင် ပျံ့လွင်နေတယ် ....။ သာယာနာပျော်ဖွယ်ကောင်းတဲ့ တေးသံတွေကြားမှာ မျောလွင့်သွားတယ်...။ စိတ်က ဘုရားကျောင်းထဲမှာ မရှိတော့ ....။ တေးသံတွေဟာ မကြားတစ်ချက် ကြားတစ်ချက် .... တိုးသွားလိုက် .. ကျယ်လာလိုက် .. ။

(ဟိတ် .. ဟိတ် .. ) နောက်ကနေ ပုခုံးကို လက်တို့တော့ တေးသံတွေ မကြားရတော့ .. အားလုံးဖျောက်ခနဲ ပျောက်သွားတယ်....

******
ထတော့ ထတော့ .. ရှစ်နာရီထိုးပြီးနေပြီ ....

ဖေဖေ့ရဲ့  အသံ .......

Thingyan in Mandalay

Alpine Thingyan 2007 in Mandalay
သင်္ကြန်မတိုင်ခင်ကလည်း အလုပ်တွေရှုပ်၊ သင်္ကြန်ပြီးပြန်တော့လည်း အင်တာနက်သုံးရတာ အဆင်မပြေတာနဲ့ ပိုစ့်အသစ်တွေ မတင်ဖြစ်တာပါ ...။ အရင့်အရင်နှစ်တွေက သင်္ကြန်ဆိုရင် တောင်ကြီး၊ အင်းလေး၊ ပင်းတယကို သွားတာ နှစ်နှစ်ရှိပြီလေ ...။ ဒီနှစ်တော့ မသွားချင်တော့တာနဲ့ (ပိုက်ဆံမရှိတာလည်းပါတာပေါ့) မန္တလေးမှာပဲ နေဖြစ်တယ် ...။ ဒီနှစ်မန္တလေးသင်္ကြန်က မဏ္ဍပ်နည်းတယ် ...။ ဘာမှသိပ်မရှိဘူး၊ ကျုံးတောင်ဘက်နဲ့ အရှေ့ဘက်တစ်ခြမ်းလောက်နဲ့ အနောက်ဘက်တစ်ခြမ်းလောက်မှာပဲ မဏ္ဍပ်ရှိတယ် ...။ မဏ္ဍပ်နည်းသည်ဖြစ်စေ .. များသည်ဖြစ်စေ .. လည်တဲ့သူတွေကတော့ ပုရွက်ဆိပ်တွေကျနေတာပဲ .. အုံလို့ခဲလို့ပါပဲ ...။ ကျွန်တော်ကတော့ Alpine မဏ္ဍပ်မှာပဲ ၄ရက်လုံး အချိန်ကုန်သွားလေရဲ့ ...။ နည်းနည်းတော့ ပျင်းဖို့ကောင်းတယ် ...။ နေ့လည် မဏ္ဍပ်မှာ ရေကစားပြီး ညနေနဲ့ညပိုင်းကျတော့ မဏ္ဍပ်ပေါ်မှာ ငုတ်တုပ်ပဲလေ ...။ ယောင်္ကျားလေးအဆိုတော်တွေအနေနဲ့ မာရဇ္ဇ၊ ထူးအယ်လင်း၊ ဖြိုးကြီး၊ ရဲအောင်၊ လွင်မိုး၊ ငှက်ပျောကျော်၊ အရိုင်း၊ ညီနန္ဒ၊ The Ants အဖွဲ့ ၊ အမျိုးသမီးအဆိုတော်တွေက ထွန်းအိန္ဒြာဗိုလ်၊ မီးမီးခဲ၊ ယုဇန၊ စိုးမြတ်သဇင်၊ လုလု၊ ခိုင်သင်းကြည်၊ စိုးမြတ်နန္ဒာ၊ အိန္ဒြာကျော်ဇင်၊ မေသန်းနု၊ ဇူးဇူးမောင်၊ ခိုင်ပွင့် … တော်တော်များများ သီဆိုကြပါတယ် …။ (မေ့တာတွေပါဦးမယ်ထင်တယ်) နောက်ဆုံးကျတော့ မဏ္ဍပ်ပေါ်မှာ ဖိနပ်တွေ တောင်းတစ်တောင်းအပြည့်ရတယ်လေ ….။ သီချင်းဆိုနေကြတုန်း ရေသန့်ဗူးမိုး ခဏခဏ ရွာတယ်…။ :P နောက်ဆုံးအတက်နေ့ကတော့ မနက် ၁း၀၀ နာရီမှာပဲ အိမ်ပြန်ရတော့တယ် ....။ အကြတ်နေ့လောက်ကလည်း ဆိုင်ကယ်နဲ့ အပြင်ကို ခဏသွားတော့ ရန်ဖြစ်နေကြတဲ့ လူအုပ်စုနဲ့ တိုးခဲ့ရသေးတယ် ....။ ရန်ဖြစ်လို့  ထိုးနေကြတဲ့ လူနှစ်ယောက်ထဲက တစ်ယောက်ကို အခြားတစ်ယောက်က သံတုတ်ကြီးနဲ့ ရိုက်လိုက်တာ ... အရိုက်ခံရသူခမျာ အရုပ်ကြိုးပြတ် ပုံခနဲ ခွေကျသွားတော့တယ် ...။ ပုလင်းနဲ့ရိုက်လိုက်တာ ကွဲပြီးတော့ ကိုယ့်ကို လာစင်လို့ မနည်း ရှောင်လိုက်ရသေးတယ် ...။ အဲဒါတွေကြည့်ပြီး သင်္ကြန်လည်ရမှာကို ပိုပြီး ကြောက်မိတယ် ...။ ၄ရက်လုံး Alpine မှာပဲ အချိန်ကုန်သွားတာကြောင့် တခြားဘယ်မဏ္ဍပ်တွေ ဘယ်လိုရှိတယ်ဆိုတာ လုံးဝကို မသိလိုက်ရဘူး ...။ Alpine မှာ ရိုက်ခဲ့တဲ့ပုံတွေ တင်ပေးလိုက်ပါတယ် ....။