ကျွန်တော်တို့သားအဖနဲ့ ခရုသင်း

မိုးကုတ်မှာရှိတဲ့ အရင်နေခဲ့တဲ့ရပ်ကွက်က ရပ်ကွက်လူကြီးတွေက ခရုသင်း လှမ်းမှာတာကြောင့် ကျွန်တော်တို့ သားအဖ ဘယ်မှာဝယ်ရမှန်းမသိပဲ .. စုံစမ်းရင်းနဲ့ ဘုရားကြီးစောင်းတန်းမှာ ရောင်းတယ်ဆိုလို့ မနေ့က မဟာမုနိဘုရားကြီး ဈေးတန်းကို ရောက်ခဲ့တယ်လေ ...။ ရောက်တော့ ဟိုမေးဒီမေးနဲ့ တောင်ဘက် စောင်းတန်းက ဗေဒင် ဟောတဲ့ ပုဏားတွေ ဘက်ကို သွားပြီး ခရုသင်း ၀ယ်ချင်တဲ့ ကိစ္စကို မေးကြည့်ကြတဲ့အခါ ဟောခန်းများမှာရှိတဲ့ ပုဏားတွေ အပြေးအလွှားထွက်လာပြီး သူ့ထက်ငါ အရင် လုပြီး သူတို့ဘုရားစင်ပေါ်မှာ တင်ထားတဲ့ ခရုသင်းတွေကို လာပြကြတယ် ...။ ကျွန်တော်တို့သားအဖလည်း အဲဒီ ခရုကြီးတွေကို ကိုင်ပြီး ဘာလုပ်ရမှန်းလည်းမသိ၊ မှုတ်လည်း မမှုတ်တတ်တာကြောင့် အဲဒီပုဏားတစ်ယောက်က ဒီလိုမှုတ်ရတယ် ဆိုပြီး ဘုရားဘက်ကို လှည့်ပြီး အစွမ်းကုန် မှုတ်ပြပါတော့တယ် ...။ ရုတ်တရက် အူပြီး ထွက်လာတဲ့ စူးဝါးလှတဲ့ အသံကြောင့် ကျွန်တော် နားနှစ်ဖက်ကို လက်နဲ့ အုပ်မိရက်သားဖြစ်သွားတယ် ...။ အဲဒီလိုနဲ့ မှုတ်ပြလိုက်ကြတဲ့ ပုဏားတွေရဲ့ အသံတွေဟာ တောင်ဘက်စောင်းတန်းတစ်ခုလုံး ဆူညံနေပါတယ် ...။

ပုဏားကြီးက သူ့ရဲ့ ခရုသင်းဟာ ဘယ်မှာမှ မရနိုင်တဲ့အကြောင်း၊ ဒါဟာ လူဖန်တီးတဲ့ ပစ္စည်းမဟုတ်တဲ့အကြောင်း၊ သူတို့ရဲ့ နတ်ဘုရားကိုင်တဲ့ ပစ္စည်းဖြစ်ကြောင်း၊ အင်မတန်မှ ရှားပါးပြီး ရဖို့ ခက်ခဲလှတဲ့ ပစ္စည်းဖြစ်ကြောင်း၊ ဒီပစ္စည်းကို မြတ်နိူးလွန်းလို့ ဘုရားစင်ပေါ်မှာ မင်္ဂလာယူဖို့ ထားကြောင်း .. လိုချင်လွန်းရင်တော့ သူ ရောင်းပေးနိုင်ကြောင်းကို အဆက်မပြတ် .. ပြောပါတော့တယ် ...။ အဲဒါနဲ့ ဈေးမေးလိုက်တော့ တစ်သိန်းခွဲပါတဲ့ ....။ ကျွန်တော်တို့က တစ်သိန်းအောက် ဆစ်တော့ ဘယ်လောက်ပေးမလဲတဲ့ ... ပေးကြည့်ပါတဲ့ ....။ ဇွတ်ကို လက်ကိုဆွဲပြီး မေးတော့တယ် ...။ ကျွန်တော်တို့လည်း နောက်မှ ပြန်လာပါ့မယ် ...။ ၀ယ်ခိုင်းတဲ့လူကို မေးလိုက်ပါဦးမယ်ဆိုပြီး မြန်မြန်လှစ်ခဲ့ကြပါတော့တယ် ....။

မြောက်ဘက်စောင်းတန်းကို ရောက်တော့ အမျိုးသမီးကြီးတစ်ဦး အဲဒီ ခရုသင်းတွေ ရောင်းတယ်လို့ ကြားလို့ သွားမေးတဲ့အခါ .. ပစ္စည်းပြတ်နေပါတယ်တဲ့ ...။ တကယ်လို့များ ရှိခဲ့ရင် ဘယ်လောက်ပေးရမလဲ .. ဘယ်လိုရောင်းလဲလို့ မေးတဲ့အခါ ... သုံးထောင်ကျပ် ပါတဲ့ ...။ အဲဒါ သေးသေးလေးမို့နေမှာပေါ့လို့ ပြောတော့ ကြီးကြီးသေးသေး သုံးထောင် .. .သုံးထောင့်ငါးရာ ပါပဲတဲ့ဗျာ ....။ ဟာ .. .ခုနက ပုဏားကြီးက တစ်သိန်းခွဲတောင်းတယ်လို့ ပြောပြတော့ သူတို့တွေ ၀ိုင်းရယ်ကြပါတယ် ....။ အဲဒီလောက် မတန်ပါဘူးတဲ့ . ... တော်သေးတာပေါ့ ဗျာ .. အားနာပြီး ငါးသောင်း၊ ခြောက်သောင်းနဲ့များ ၀ယ်ခဲ့ရင် ... ဒုတ်ခရောက်ဦးမယ် ...

တော်လည်းတော်တဲ့၊ အပြောလည်းကောင်းတဲ့၊ ၁၀၀ကျပ်နဲ့ ဗေဒင်ဟောပြီးရင် ၁၀၀၀ကျပ်လောက် ရအောင် ယူတတ်တဲ့၊ အလှူခံကောင်းတဲ့၊ ဈေးရောင်းတော်တဲ့၊ ဗေဒင်ဖိုးထက် ယတြာဖိုးက ပိုများများ ပေးရတဲ့၊ အလှူငွေကို သူတို့ကိုယ်တိုင် လှူပေးမယ်ဆိုပြီး လက်ခံထားပေးတဲ့ ဗေဒင်ဟောတဲ့ ... ပုဂ္ဂိုလ်ကြီးများ မန္တလေးမဟာမုနိဘုရားကြီး တောင်ဘက် စောင်းတန်းမှာ ရှိပါတယ် .. ကြုံရင် သွားပြီး ကိုယ်တိုင်ကိုယ်ကျ လေ့လာနိုင်ကြပါတယ် .....။