အကြိုက်ဆုံး Post ၅ခု

Potato က Tag ထားတယ်ဆိုလို့ ဘာများလဲလို့ သွားကြည့်လိုက်တော့ နည်းနည်းတောင် မြှောက်သွားတယ်။ ကျွန်တော့်ဘလော့ကြီးကို လှလှပပ ဘလော့ကြီးလို့ တင်စားထားတာ ဖတ်ပြီးတော့ပေါ့ ....။ ကျေးဇူးပါ Potato ရေ ...။ ဒီကနေ့ကျရောက်တဲ့ World's Blog Day မှာ ကျွန်တော်ကြိုက်တဲ့ ပိုစ့်တွေအများကြီးထဲက ၅ခုကို ဖော်ပြရတဲ့အတွက် ၀မ်းမြောက်မိပါတယ်။

၁။ ထူးဆန်းပါပေ့
နတ်ကိုးကွယ်မှု တစ်ဖက်စွန်းရောက်ပြီး ကိုကြီးကျော် နဲ့ လက်ထပ်ထိမ်းမြားတဲ့ မတင်ရီ တို့ရဲ့ စံခမ်းဝင်မင်္ဂလာဖိတ်ကြားလွှာ ဆိုတဲ့ ဖိတ်စာကို မမြင်ဖူးသူတွေ မြင်ရအောင်လို့ ဝေမျှတဲ့ Post ဖြစ်ပါတယ်။

၂။ မိုးကြိုးသွား သို့မဟုတ် ...
ကျွန်တော့်မှာ ရှိတဲ့ ဘိုးဘွားဘီဘင် အဆက်ဆက်က ထိန်းသိမ်းလာတဲ့ ဘာမှန်းမသိတဲ့ ပစ္စည်းတစ်ခု (သို့) အများက မိုးကြိုးသွားလို့ ခေါ်တဲ့ ကြေးခေတ်က ကြေးလက်နက်တစ်မျိုးအကြောင်း ဖြစ်ပါတယ်။

၃။ မန္တလေး - မိုးကုတ်
မိုးကုတ်ကနေ မန္တလေးကို အလာ ကားပေါ်မှာ အဘွားအိုကြီးတစ်ယောက်နဲ့အတူ ကားရှေ့ခန်းမှာ ကြပ်သိပ်ပြီး စီးခဲ့ရတဲ့ ဒုက္ခကို ဖွဲ့နွဲ့ပြီး ရေးကြည့်ထားတာ ဖြစ်ပါတယ်။

၎။ ဝေးလွင့်အိပ်မက်
သူငယ်ချင်းတွေ ဘွဲ့နှင်းသဘင်ကို မိသားစုစုံစုံညီညီ တက်ကြတဲ့အချိန်မှာ မေမေမရှိတော့တဲ့အတွက် ဘွဲ့နှင်းသဘင်ကို မတက်တော့ဘူးလို့ ဆုံးဖြတ်ပြီး ခံစားရတဲ့ ခံစားချက်ကို ရေးဖွဲ့ထားတာ ဖြစ်ပါတယ်။ Teen မဂ္ဂဇင်းမှာ ပြန်လည်ဖော်ပြခံရတဲ့ Post ဖြစ်ပါတယ်။

၅။ လွန်ခဲ့သော ၁၉၈၃
ကျွန်တော့်ကို လူလောကထဲ စပြီးရောက်လာတဲ့နေ့၊ မိုးတွေထစ်ချုန်းရွာတဲ့နေ့၊ အဲဒီအချိန်က မိဘနှစ်ပါးရဲ့ ပျော်ရွှင်မှု၊ ပင်ပန်းဆင်းရဲမှု၊ အားပြိုင်မှု၊ စိန်ခေါ်မှု စတာတွေကို ဖော်ကြူးရေးသားထားပြီး ကျွန်တော် ၂၃နှစ်ပြည့်ပြီ ... ဒီနေ့ဟာ မွေးနေ့ဖြစ်ပါတယ်လို့ ရေးမယ့်အစား blog ပေါ်မှာ မိဘကျေးဇူးကို ပြန်လည် အောက်မေ့ထားတဲ့ Post ဖြစ်ပါတယ်။

ကျွန်တော်ရေးတာ နောက်ကျနေလို့ ဘယ်သူ့ကို TAG မလုပ်တော့ပါဘူးဗျာ :)
အားလုံးပျော်ရွှင်ပါစေ ...။

အိုးပုတ်ပွဲ

နှစ်စဉ် ၀ါခေါင်လဆန်း (၈)ရက်ရောက်တိုင်း၊ တစ်ရက်တည်းသာ ကျင်းပတဲ့ အိုးပုတ်ပွဲ(ခ) အိုးပုတ်ခိုးပွဲပါ ...။ ကြားသာကြားဖူးပြီး တစ်ခါမှ မရောက်ဖူးလို့ ဘလော့အတွက် သတင်းယူရင်း ရောက်အောင်သွားခဲ့ပါတယ် ...။ မြောက်ပြင် ၇၆လမ်း၊ စည်သာလမ်းတည့်တည့် မြောက်ဘက်တန်းတန်းကို သွားလိုက်ရင် အိုးပုတ်ပွဲကျင်းပရာနေရာကိုရောက်ပါတယ်။ အိုးတွေ အကြီးကြီးကနေ ကလေးကစားတဲ့ အိုးပုတ် သေးသေးလေးအထိ ချရောင်းတဲ့ ဈေးသည်တော်တော်များများကို တတန်းကြီး တွေ့လိုက်ရပါတယ် ...။



အိုးတွေ၊ ပန်းအိုးတွေ၊ စဥ့်အိုးတွေ၊ အလှထိုးမြေပန်းအိုးတွေကို ဈေးသည်တွေကလည်း အာပေါင်အာရင်းသန်သန်နဲ့အော်ဟစ်လို့ရောင်း ..... ၀ယ်သူတွေကလည်း ကလေးတွေ တစ်သီကြီးနဲ့ အိုးတွေ ၀ယ်ကြနဲ့ ... အိုးပုတ်ပွဲဟာ စည်ကားလို့နေပါတယ် ...။



“တကယ်တော့ ဒီပွဲက ဘုရားပွဲမဟုတ်၊ နတ်ပွဲမဟုတ်တဲ့ ပွဲပေါ့ ... အရင်တုန်းက ဒီကနေ တောင်ပြုန်းပွဲကို သွားကြ၊ ပြန်ကြတဲ့နေရာဆိုတော့ အိုးသည်တွေ အခြေချ ရောင်းကြတဲ့နေရာပေါ့ ... ခုတော့ဒီနေရာ ရေလမ်းကနေ မသွားကြတော့ပေမယ့် အိုးပုတ်ပွဲကတော့ အစဉ်အလာကြီး တစ်ခုလို ဖြစ်သွားတာ” လို့ အိုးရောင်းတဲ့ အမကြီးက ပြောပြပါတယ်။



အိုးပုတ်ခိုးပွဲလို့ ခေါ်ကြတာနဲ့ ပတ်သတ်ပြီး မေးကြည့်တော့ “ဟို ရှေးတုန်းကတော့ အိုးပုတ်လေး တစ်ခုစ၊ နှစ်ခုစ ကို အပျော်သဘောနဲ့ စကြနောက်ကြတဲ့ သဘောပါ ... ခုတော့ ဈေးရောင်းရတာက တစ်ဖက် ... အခိုးခံရမှာ ကြည့်ရတာ တစ်ဖက်နဲ့ ....” လို့ သူမက ဆက်ပြောပါတယ် ....။ ပြောရင်းဆိုရင်း လူတစ်ယောက်က ပန်းအိုးတစ်လုံးကို ခပ်တည်တည်နဲ့ ကောက်မသွားတာတွေ့တော့ စောစောက အမျိုးသမီးကြီး က အိုးပေါ် ထိုင်နေရာကနေ စွေ့ကနဲ ခုန်ဆင်းပြီး ပန်းအိုး မ သွားတဲ့ လူနောက်ကို လိုက်ပါတော့တယ် ...။ ၄င်းနောက် မကျေမချမ်းပြောဆိုနေသံကိုလည်း ကြားရပါသေးတယ် ...။



အိုးပုတ်ပွဲကို အမှီပြုလို့ ချားရဟတ်တွေ၊ မုန့်ဆိုင်တွေနဲ့ အရုပ်ဆိုင်တွေနဲ့ စည်ကားလို့နေပါတယ် ...။ ပွဲရက်က တစ်ရက်တည်းပေမယ့် နောက်ရက်တွေမှာလည်း အိုးတွေကို ဆက်ပြီး ရောင်းချကြပါသေးတယ် ...။ အိုးရောင်းသူတွေ အပြိုင်အဆိုင် ရောင်းချကြတာမို့ ဈေးချိုချိုနဲ့ပဲ ရောင်းချကြပါတယ် ...။ ဒီပွဲကို လာသူတွေက အပျော်သဘောနဲ့ လှေငါးပြီး စီးကြပါသေးတယ် ... ဧရာဝတီမြစ်ဘေးမဟုတ်ပေမယ့် မြစ်ရေတွေဝင်နေတဲ့နေရာတွေမှာ တောင်တန်းတွေ၊ စေတီတွေ၊ ထန်းပင်တွေကို နောက်ခံထားပြီး ပျော်ပျော်ပါးပါးလှေစီးနေကြပုံက ပန်းချီကားတစ်ချပ်နဲ့ တူနေပါတော့တယ် ...။

ရိုက်လာခဲ့တဲ့ ဓါတ်ပုံတွေကို အမှတ်တရ တင်လိုက်ပါတယ် ...။

အကြွေမရှိလို့

ညနေခင်း ဈေးသိမ်းချိန်၊ ဈေးအရှေ့ဘက် လမ်းကြားတစ်နေရာ ...၊

`လေထိုးနိုင်သည်၊ ကပ်ခွာဖြင့် ဘီးပေါက်ဖာသည်။ ´ အဲဒီစာသားကို သုံးထပ်သားအဟောင်းတစ်ချပ်ပေါ်မှာ မြေဖြူနဲ့ရေးပြီး သစ်ပင်မှာ ချိတ်ထားတဲ့ စက်ဘီးပြင်ဆိုင် တစ်ဆိုင်မှာပေါ့ ...။ ဆိုင်ပိုင်ရှင်လို့ ထင်ရတဲ့ ထင်ရတဲ့ ညင်းသိုးသိုး လူကြီးတစ်ယောက် အိပ်မောကျနေတယ် ...။

စက်ဘီးလေမရှိလို့ တွန်းလာတဲ့ အမျိုးသားတစ်ယောက် ... ။ အဲဒီဆိုင်ရှေ့အရောက်မှာ ကွမ်းကို ဗလုံးဗထွေးစားရင်း လေထိုးတံကိုယူပြီး သူ့စက်ဘီးကို လေထိုးတယ် ...။ အိပ်နေတဲ့ ပုဂ္ဂိုလ်ကြီးက မျက်လုံးကို မေးစင်းပြီးကြည့်နေတယ် ...။ လေထိုးလို့အပြီးမှာတော့

`ဘယ်လောက်လဲ ... ´

`ငါးဆယ် ... ´

`အနူတ်မရှိလို့ နောက်တစ်ခေါက်မှ ပေါင်းယူလိုက်တော့ဗျာ ... နော် ... ´

`မရဘူးဟေ့ ... ဒါမျိုးတွေရိုးနေပြီ ... ငါ@#$´

`ဒါဆိုလည်း ရော့ဗျာ .. တစ်ထောင်တန် ... ပိုတာ ပြန်အမ်း ...´

`ရတယ် ... ရော့ ကိုးရာ ... ´

`ဟာ ... ခင်ဗျား ... လေထိုးတာ ငါးဆယ် ကျတာကို ကိုးရာ့ငါးဆယ် အမ်းရမှာပေါ့ .. ခင်ဗျား ... လူပါးမ၀နဲ့နော် @$%^´

`ဟေ့ ..ဒီမှာ ... ငါးဆယ် အနူတ်ပေးရင်ပေး ... တစ်ထောင်တန်ပေးရင် အမ်းဖို့အနူတ်ကခက်လို့ .. လေထိုးခ တစ်ရာကျတယ် ...´

`ဘာဆိုင်လဲဗျ ... ငါးဆယ်ဟာ ငါးဆယ်ပဲပေါ့ ... ခင်ဗျာကြီး လူလည်မကျနဲ့နော် ... ကျုပ်ကို ဘာမှတ်နေလဲ ...´

`ဟေ့ကောင် ... ဒီလောက် အနူတ်ရှားတာ .. မအမ်းနိုင်ဘူးကွာ ... အနူတ်မပါရင် အစကတည်းက လေမထိုးနဲ့ပေါ့ကွ ... မေ@လေး´

`ခင်ဗျား ... မဆဲနဲ့နော် .. သတ္တိရှိရင် တစ်ယောက်ချင်းချမယ် ... ထွက်ခဲ့ ...´

`အောင်မာ .. မင်းက ဘာကောင်လဲ လာလေ ... !@#@#$%´

ခွပ် .... ဘုန်း ... အား .... ဒုတ် .... အွတ် .... အိုး .....

% $ @ # # $ % ^ & & % % $ # # @ # % ^ ^ & & * *

အစားအတွက် အမှားမဖက်ရန်

ဒီရက်ပိုင်း ဘာတွေရှုပ်လို့ ရှုပ်နေမှန်းကို မသိပါဘူး၊ ဟိုပြေးလိုက်၊ ဒီပြေးလိုက်နဲ့ ပေါ်လာသမျှကိစ္စကလည်း တစ်ခုမှ အလွတ်မပေးချင်တော့ ကိုယ်ပဲ မောရတော့တာပေါ့ ...။ ဘလော့ကလည်း မတင်တာကြာနေတော့ နေလို့ထိုင်လို့ကမကောင်း၊ ဆီဈေးတွေက မပြောမဆိုကြီး ခုန်တက်သွားတော့ ဘာလုပ်လို့ဘာကိုင်ရမှန်း မသိတော့ဘူးပေါ့ ...။ ဒုက္ခ ဒုက္ခ .... ။

ဒီနေ့ Copy Mandalar Vinyl Printing ကို သွားရင်းနဲ့ သူတို့ထုတ်ထားတဲ့ ပုံက အကြောင်းအရာတွေက ကျွန်တော့်ကို ဂယောက်ဂယက် ဖြစ်စေပြန်တယ်လေ ...။ အဲဒါက ဘာလဲဆိုတော့ အစာအဆိပ်သင့်မှာ ကြောက်တဲ့ ကျွန်တော့်ရောဂါကြောင့်ပေါ့ ... အသွားမတော် တစ်လှမ်း၊ အစားမတော်တစ်လုပ်၊ အစားအတွက် အမှားမဖက်ရန်ဆိုပြီး တွဲဖက်မစားသင့်တဲ့ အစာတွေအကြောင်းးကို ပုံတွေနဲ့တကွ ထုတ်ထားတာ ကြည့်ရင်း အရင်ကထက်တောင် ပိုပြီး လန့်လာမိတယ်လေ ...။ ဟုတ်လားမဟုတ်လားတော့ မသိဘူး၊ တခါတစ်လေတော့ တွဲပြီး စားခဲ့မိဘူးသလိုလိုပဲ ....။ ခုထိ ဘလော့ရေးနိုင်နေသေးတော့ မသေသေးလို့ပေါ့နော ....။ မတည့်တဲ့အစားအစာတွေကို ကူးပြီး ဖော်ပြလိုက်ပါတယ်...။ ပုံတွေကတော့ လေးမှာစိုးလို့ တင်တော့ဘူး ...။

အစားအတွက် အမှားမဖက်ရန်

တမာရွက် - ကြက်ဥ (အကြောတက်)
မျှစ်ချဉ် - ပီလောပီနံဥ (သေ)
ဖရုံသီး - ခိုသား (သေ)
လက်ဂဏန်း - မှို (သေ)
ဝက်သား - ကြာစွယ် (သေ)
ခိုသား - ချင်း(ဂျင်း) (သေ)
အာလူး - ကြက်ဟင်းခါးသီး (အော့အန်/သေ)
သခွားသီး - ရေခဲချောင်း (ရင်ကျပ်)
ကြက်သား - ကြက်ဟင်းခါးသီး (အောာ့အန်)
ရှိန်းခို - ဒူးရင်းသီး (သေ)
သပြေသီး - ထန်းလျက် (သေ)
ကြက်သား - ကြောင်လျှာသီး (သေ)
ချောကလက် - ပဲမြစ် (သေ)
စောင်းလျားသီး - ချောကလက် (သေ)
ကျွဲကောသီး - သံပရာသီး (သေ)
ဖားသား - မှို (သေ)
ကျွဲခေါင်းသီး - လက်ဖက် (သေ)
မင်းဂွတ်သီး - သကြား (သေ)
ငါးသေတ္တာ - ကြောင်လျှာသီး (သေ)
အုန်းသီး - ပျားရည် (သေ)
ဘူးသီး - ကျေးသား (သေ)
ဂွေးသီး - ရေခဲချောင်း (သေ)
ငှက်ပျောသီး - ထန်းသီး (သေ)
ရေခဲမုန့် - ချင်းသုတ် (သေ)
ရှောက်သီး - နွားနို့ (သေ)
ခရု - အမဲသား (သေ)
ဂွေးသီး - အာဒါလွတ် (သေ)
ပျားရည် - သြဇာသီး (သေ)
ဝက်သား - ထန်းရည် (သေ)
စိမ်းစားဥ - ရေခဲချောင်း (ရင်ကျပ်)
ဇီးသီး - စားတော်ပဲ (၀မ်းလျော)
ဒူးရင်းသီး - ဒညင်းသီး (အော့အန်/သေ)
ဖရဲသီး - ဘဲဥ (သေ)
ဝက်သား - နွားနို့ (သေ)
ကင်းပုံရွက်သီး - နှမ်း (သေ)
ပဲမြစ် - မိုင်လို (သေ)

ရက်ပိုင်းအတွင်း ဆေးဖျန်းထားသော အသီး၊ အရွက်၊အဖူးများနှင့် ငါးသေတ္တာများကို စားမိပါက အဆိပ်ဖြစ်ပြီး လူကို သေစေနိုင်သည်။ ယင်နားစာ မစားပါနှင့်၊ ရေကို ကြိုချက်သောက်ပါ၊ အမှည့်လွန်သော အသီးများကို မစားပါနှင့်၊ ပတ်ဝန်းကျင်ကို ဂရုစိုက်ပါ၊ ကရင်နီကိုက်လျှင် ပရုပ်ဆီ မလိမ်းပါနှင့်၊ ခါချဉ်ကိုက်လျှင် တေဇောဘမ်း မလိမ်းပါနှင့်၊ လူသေတတ်သည်။

မိတ္ထီလာကုန်စည်ပြပွဲနှင့်ဈေးရောင်းပွဲတော်

ပိုင်အောင် Trading Co., Ltd. က ကြီးမှူးကျင်းပတဲ့ ကုန်စည်ပြပွဲနဲ့ ဈေးရောင်းပွဲတော်ကို မိတ္ထီလာမြို့မှာ ၅ရက်နေ့ကနေ ၉ရက်နေ့အထိ ကျင်းပနေပါတယ် ...။ ကျွန်တော်တို့ ၅ရက်ကနေ ၇ရက်နေ့အထိ Talents & Models နဲ့အတူ Model show, Dancing များနဲ့ မိတ္ထီလာ ပရိတ်သတ်ကြီးကို ဖျော်ဖြေခဲ့ကြပါတယ်။ နယ်မှာလုပ်တဲ့ပွဲကို ပထမဦးဆုံးကြုံဖူးတဲ့ ကျွန်တော့်အတွက် ပွဲစစချင်းရက်တွေမှာ ပရိတ်သတ်ကြီးကို ကြောက်နေခဲ့တာပါ ...။ နယ်ပရိတ်သတ်ရဲ့ အားပေးမှုကတော့ ကြောက်ခမန်းလိလိပါပဲ ... ။ ဘာပဲဖြစ်ဖြစ် ပျော်ဖို့ကောင်းပါတယ်...။ မိတ္ထီလာမြို့ရဲ့ ကန်တော်မင်္ဂလာခန်းမမှာ တစ်ရက်ကို ၃ပွဲ ဖျော်ဖြေပြီး ပန်ကာမရှိ၊ အဲယားကွန်းမရှိတဲ့အတွက် ချွေးတွေရွှဲပြီး တော်တော်ပင်ပန်းခဲ့ပါတယ် ...။ မန္တလေးမှာ ကိစ္စတွေရှိသေးလို့ ပွဲမပြီးခင် ပြန်ခဲ့ကြတယ်...။ ၉ရက်နေ့ထိတော့ ဖျော်ဖြေရေးက ရှိဦးမှာပါ ...။

ဒါနဲ့စကားမစပ် ... ကြော်ငြာဝင်လိုက်ဦးမယ် :P ... ကျွန်တော်တို့တည်းတဲ့ ရွှေလမင်းမိုတယ် နဲ့ မျက်နှာချင်းဆိုင်မှာ ရှိတဲ့ ထမင်းဆိုင်လေးက အရမ်းစားလို့ကောင်းတယ်ဗျာ ... ခုတောင် လွမ်းနေသေးတယ်...။ ၀ယ်စားတဲ့ ထမင်းဟင်းအပြင် စေတနာ မေတ္တာ ဗလပွနဲ့ ချကျွေးတဲ့ ဟင်းတွေ၊ အသီးအနှံတွေကလည်း အလျှံအပယ်ပါပဲ ... ပြီးတော့ ရောင်းတဲ့ အစ်မလေးက တော်တော်ချောတယ်ဗျ ... ။ မိတ္ထီလာကို ရောက်လို့ ကြုံရင် အဲဒီဆိုင်မှာ စားကြည့်လိုက်ကြဗျာ ..

စိတ်ကူးယဉ်လေတိုင်း ...

၂၀၀၅လောက်တုန်းကရင်း Photoshop နဲ့ လျှောက်လုပ်ရင်းဖြစ်သွားတဲ့ပုံလေးပေါ့ဗျာ ...။ တစ်နိုင်ငံနဲ့တစ်နိုင်ငံ၊ တစ်မြို့နဲ့တစ်မြို့ကို အဲဒီလို တံခါးဖွင့်ပြီး ၀င်သွားလိုက်ရုံနဲ့ ရောက်နိုင်ရင် သိပ်ကောင်းမှာပဲလို့ ကလေးဆန်ဆန် စိတ်ကူးပြီး ဖန်တီးထားတာပေါ့ဗျာ ...။ ဖေဖေက ပြောတယ်..။ မင်းအတွေးအခေါ်တွေက တစ်ခါတလေကျတော့ သိပ်ကလေးဆန်တာပဲတဲ့ ...။ သိဘူးဗျာ ...။ ကျွန်တော်ကတော့ လွတ်လွတ်လပ်လပ် စိတ်ကူးချင်တိုင်း စိတ်ကူးပစ်တာပဲ ... ပိုက်ဆံပေးရတာမှတ်လို့ .....

စကားမစပ် .... ၅ရက်နေ့မှာ ကျွန်တော်တို့ ပွဲတစ်ခုရှိလို့ မိတ္တီလာကို သွားစရာ ရှိတယ်ဗျ ... တံခါးလေးဖွင့်ပြီး သွားမှာတော့ဟုတ်ဘူး၊ ကားနဲ့ပဲ သွားရမှာပေါ့ဗျာ။ ပြန်လာမှပဲ ပိုစ့်အသစ်တွေ တင်တော့မယ်။ ၈ရက်နေ့ပြန်ရောက်မှာပါ။

တာ့တာ

မိန်းကလေးများသတိထားစရာ

ဒီဂျစ်တယ်ကင်မရာတွေ၊ အမ်ပီဖိုးတွေ ပေါများလာပြီး လူတိုင်းနီးပါးသုံးစွဲလာနိုင်တာနဲ့အမျှ ညစ်ညမ်းဗီဒီယိုကားတွေလည်း ၄င်းတို့နဲ့အတူ ပေါများလာပါတယ်။ နာမည်ကြီး မိန်းကလေး သရုပ်ဆောင်တွေရဲ့ ဟိုကား၊ ဒီကားဆိုပြီး ခိုးကူးစီဒီတွေရောင်းတဲ့ ဆိုင်တွေမှာ ပေါ်တင်ရောင်းချနေတာကိုလည်း တွေ့ရပါတယ်။ ကိုယ့်ချစ်သူကို ယုံလို့ပုံအပ်ပြီး ဟိုတယ်၊ တည်းခိုခန်းကို လိုက်တဲ့ မိန်းကလေးများ သတိထားစရာပါ။ ကိုယ့်ကိုယ်ကို လုံခြုံလှပြီလို့ ထင်ပေမယ့် အစွမ်းထက်လှတဲ့ ကင်မရာတွေ၊ ဟမ်းဖုန်းတွေကြောင့် အရှက်တကွဲ အကျိုးနည်းဖြစ်ရတော့တာပါပဲ ..။

ဒီလိုဇါတ်လမ်းတွေက ခဏခဏ ကြားဖူးနေကြတာကြောင့် မိန်းကလေးများ အနေအထိုင် ဆင်ခြင်သင့်လှပါတယ်။ တစ်ဆိတ်ကို တစ်အိတ်လုပ်ချင်တဲ့ လူတွေရဲ့ သဘာဝကြောင့် ပြသနာက ပိုပြီး ကြီးကျယ်သွားတတ်ပါတယ်။ မော်ဒယ်ရှိုးပွဲတွေနဲ့ စင်မြင့်ဖျော်ဖြေပွဲတွေမှာလည်း စကပ်ဝတ်ထားတဲ့ မိန်းကလေးများရဲ့ အောက်ကနေ ကင်မရာနဲ့ ပင့်ပြီး ရိုက်တာတွေလည်း မြင်နေရပါတယ်။ ဘယ်သူမှလည်း အရေးယူခြင်း မရှိပါဘူး။ ဒီလိုကိစ္စတွေကို သည်းကြီးမည်းကြီးလိုက်ပြီး သတင်းဖြန့်တတ်တဲ့ မုဆိုးတွေဟာ နေရာတကာမှာ ရှိနေနိုင်တာကြောင့် မိန်းကလေးများ အစစအရာရာမှာ သတိထားပါမှ တော်ရာကျမှာဖြစ်ပါတယ်။ လက်သည်းခွံလောက်ရှိတဲ့ ကင်မရာကို အိမ်သာထဲမှာတပ်ထားတာတို့၊ ဟိုတယ်အခန်းတွေမှာ လျို့ဝှက်ကင်မရာပါပြီး တစ်နေရာရာကနေ စောင့်ကြည့်နေတာတို့ဟာ ခဏခဏကြားရ မြင်ရပါတယ်။

စက်ပစ္စည်းတွေ ခေတ်မှီတိုးတက်လာပြီး တစ်ယောက်နဲ့တစ်ယောက် အချိန်မရွေး အင်တာနက်က ဆက်သွယ်နေနိုင်တာဟာလည်း ပျက်စီးသော မိန်းကလေးတို့အတွက် အသုံးချစရာတစ်ခုဖြစ်နေပါပြီ။ မိန်းကလေးတို့အိနြေ္ဒ၊ ရွှေပေးလို့မရ၊ ခြေတစ်လှမ်းကုဋေတစ်သန်း စတဲ့ စကားများဟာ မြန်မာမိန်းကလေးတိုမိမိတို့ရဲ့ အိနြေ္ဒနဲ့ သိက္ခာကို တန်ဖိုးထားကြောင်းပြဆိုနေပါတယ်။ ဒါကြောင့် ကိုယ့်ကိုယ်ကို တန်ဖိုးထားတဲ့ မြန်မာမိန်းကလေးများ အစစအရာရာမှာ တွေးဆဆင်ခြင်ပြီး အန္တရယ်ကို ရှောင်ကွင်းနိုင်ကြဖို့ အရေးကြီးပါတယ်။

ဇူလိုင်၂၂ရက်နေ့

22nd July

ပြီးခဲ့တဲ့ ဇူလိုင်၂၂ရက်နေ့က MCPA မှာလုပ်တဲ့ ဟောပြောပွဲကို ကိုယ်တတ်နိုင်သလောက် ကူညီရတဲ့အတွက် ၀မ်းသာမိပါတယ်။ ဘလော့ဂါတွေ တော်တော်များများလည်း တွေ့ဖြစ်ကြတဲ့အတွက် အားလုံးပျော်ကြတဲ့ပွဲလေးပဲပေါ့။

တိုက်တိုက်ဆိုင်ဆိုင် အဲဒီနေ့ ကျွန်တော့်ဘလော့ (၂)နှစ်ပြည့်တဲ့ နေ့လေးပဲလေ၊ လွန်ခဲ့တဲ့ (၂)နှစ်က ကိုအာလူး ဘလော့ကို စတွေ့ရာက အစပြုလိုက်တဲ့ ဟောဒီပိုစ့် လေးကနေ ကျွန်တော့်ဘလော့ဟာ ဒီကနေ့အထိ ရှင်သန်ဆဲပါပဲ။ အဲဒီအချိန်ကစလို့ မသိတာတွေ မေးရင်း၊ စုံစမ်းရင်း၊ လုပ်ကြည့်ရင်းနဲ့ ဘလော့ဂါကြီးတွေ့ရဲ့ အိုင်ဒီယာတွေ၊ အကူအညီတွေကိုလည်း ယူခဲ့ရတာပေါ့၊ တစ်ခါတလေ Connection မကောင်းရင်ဖြစ်ဖြစ်၊ ကိုယ့်အလုပ်တွေ သိပ်ရှုပ်နေရင် ဖြစ်ဖြစ် ပိုစ့်အသစ်တွေ မတင်နိုင်ခဲ့ပေမယ့် စိတ်ကတော့ အမြဲတမ်း ဘလော့ပေါ်ရောက်နေခဲ့တာလေ။ ပိုစ့်အသစ်တင်ဖို့ စာအုပ်တွေဖတ်ဖြစ်တယ်၊ ရောက်လေရာရာမှာ ကိုယ့်ဘလော့ပေါ်ကို ထူးထူးဆန်းဆန်း ဘာများတင်ပေးနိုင်ပါလိမ့်မလဲ ဆိုတဲ့ မျှော်လင့်ချက်က အမြဲရှိတာကြောင့် မျက်စိကိုဖွင့် နားကိုစွင့်ထားမိတယ် ... အရင်က Chatting လုပ်တယ်. Forum တွေမှာ ဆွေးနွေး ငြင်းခုန် ရန်ဖြစ်ကြတယ် ..။ အဲဒါက သိပ်မကြာလိုက်ဘူး၊ ကြာလာတော့ ပျင်းပြီးရိုးအီလာတဲ့အချိန် ဘလော့ကို စတွေ့တော့တာပါပဲ ...။ စလုပ်ဖြစ်တဲ့အချိန်ကစပြီး တတ်နိုင်သလောက် ပိုစ့်တွေ တင်လာခဲ့ပါတယ် ။ ကိုယ့်ပတ်ဝန်းကျင်၊ ကိုယ့်ဖန်တီးထားတဲ့ စာတိုပေစ၊ ပန်းချီ၊ ဓါတ်ပုံ၊ ခံစားချက် စသဖြင့်ပေါ့ .... ဘာရည်ရွယ်ချက်နဲ့လဲလို့ မေးတဲ့အခါမှာတော့ ဘာပြောရမှန်းမသိဘူး ... ။ လုပ်ရင်းနဲ့ ဖြစ်သွားတာကိုး ... အဲဒီတော့ အမတစ်ယောက်ပြောတဲ့ ၁၂မျိုးဟင်းချို ဖြစ်နေတော့တာပါပဲ ....

ဇူလိုင် ၂၂ရက်က ကျွန်တော့်တူကလေး ထက်မြက်အောင်ရဲ့ ၁နှစ်ပြည့်မွေးနေ့ပေါ့ဗျာ ... ကျွန်တော့်ဘလော့က သူ့ထက် အသက် တစ်နှစ်တိတိကြီးတာပေါ့ ...

ဘာပဲဖြစ်ဖြစ် ပြီးခဲ့တဲ့ ဇူလိုင် ၂၂ရက်နေ့က တင်မယ်လို့ ရည်ရွယ်ထားတဲ့ပိုစ့်က မအားတာနဲ့ ဒီကနေ့မှပဲ တင်ဖြစ်ပါတော့တယ်ဗျာ၊

ကျွန်ုပ်၏တူနှစ်ယောက်

ကိုယ့်ကိုကိုယ် ငယ်သေးတယ်လို့ ခံယူထားပေမယ့် ပြန်စဉ်းစားကြည့်လိုက်တော့မှ ကျွန်တော်ဟာ ဦးလေးတစ်ယောက် ဖြစ်နေခဲ့ပြီလေ။ အကြောင်းကတော့ ကျွန်တော့်အမနှစ်ယောက်က ယောင်္ကျားလေးတစ်ယောက်စီကို မွေးထားတာကိုး။ သူတို့တွေ တစ်ရက်တစ်ခြား ကြီးပြင်းလာလေလေ ကျွန်တော်က ပိုပြီး အိုလာလေလေပဲပေါ့။



တူတစ်ယောက်က၃နှစ်၊ နောက်တစ်ယောက်က ၁နှစ်၊ နှစ်ယောက်စလုံးက ခန့်ချောဗျ .. ဒါပေမယ့် ကျွန်တော်ငယ်ငယ်ကပုံလောက် မခန့်ဘူးလို့ ပြောရင် လွန်သွားမလားပဲ :P ဘာရယ်မဟုတ်ပါဘူးဗျာ။ စက်ထဲက ဓါတ်ပုံတွေ ပြန်ကြည့်ရင်း စိတ်ကူးရလို့ တင်လိုက်တာပါ။


၃နှစ်သား zawmoeaung
ကျွန်တော်ငယ်ငယ်က မူကြိုကျောင်းမှာနေတုန်း ခရစ်စမတ်ပွဲမှာ ရိုက်ထားတဲ့ပုံလေးပေါ့။ အဲဒီတုန်းက ကျွန်တော့်တူအရွယ်လေးပဲပေါ့။ ငွေကိုမသိဘူး၊ အချစ်ကိုမသိဘူး၊ ကွန်ပျူတာကိုမသိဘူး၊ မြို့ကြီးကိုမသိဘူး၊ အတ္တကိုမသိဘူး၊ လောဘကိုမသိဘူး၊ အဲဒီဘာမှကို မသိတဲ့အရွယ်ကို တစ်ခါတလေကျတော့လည်း ပြန်သွားချင်မိတယ်...။

အာဇာနည်နေ့

အာဇာနည်နေ့
(၁၉ . ဇူလိုင်လ . ၂၀၀၇)

ကိုယ်ကျိုးမငဲ့ပဲ နိုင်ငံတော်အတွက် အသက်ပေးသွားသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများကို ရိုသေလေးစားစွာ အလေးပြုအပ်ပါသည်။

Cactus ပင်များနဲ့ ပျော်မွေ့သူ

ကျွန်တော့်သူငယ်ချင်းတစ်ယောက် များပြားလှတဲ့ Cactus ပင်တွေကို နေ့စဉ်ပြုစုစောင့်ရှောက်ရင်းနဲ့ ပျော်မွေ့ပါတယ်။ မော်ဒယ်၊ အဆိုတော်၊ Dancer တစ်ယောက်ဖြစ်ပြီး မကြာခင်မှာ Blogger တစ်ယောက်ဖြစ်လာတော့မှာပါ ...။ သူ Blogger ဖြစ်လာတဲ့အခါ သူရဲ့ Cactus ပင်တွေအကြောင်း၊ သူရဲ့ ကဗျာတွေစာတွေကိုလည်း ဝေမျှမှာဖြစ်ပါတယ် ...။ သူရဲ့ ရေးပေးပါ စာအုပ်ထဲမှာ ရေးခိုင်းလို့ ရေးပေးရင်းနဲ့ `ကိုယ်ဆွဲတတ်သလိုဆွဲတဲ့ မင်းအတွက်ပန်းချီကား´ မှာ ဆွဲပေးထားတဲ့ ပုံဖြစ်ပါတယ် ...။ Cactus ပင်မျိုးစုံကြားထဲမှာ အေးအေးလူလူ ဇိမ်ယူနေတဲ့ ကျွန်တော့်သူငယ်ချင်းကို တွေ့မြင်ရမှာဖြစ်ပါတယ် ...။ :P

ကြွေလွင့်သွားသော ကြယ်တစ်ပွင့်

ဒီသတင်းကို စကြားခါစက မယုံနိုင်အောင်ဖြစ်မိတယ်။ ကောလဟာလဖြစ်မယ်လို့ ထင်ထားခဲ့တာ ခုတော့ ဇါတ်ဝင်ခန်းမဟုတ်ဘဲ တစ်ကယ့်အဖြစ်အပျက်တစ်ခု ဖြစ်ခဲ့ရပါပြီ။ ငယ်ငယ်ကလေးဘ၀ကတည်းက ကြိုက်နှစ်သက်ခဲ့ရတဲ့ ပြည်သူချစ်သော အနုပညာရှင်တစ်ယောက် အချိန်မတန်သေးဘဲ ရုတ်တရက် ကြွေလွင့်သွားတော့ ယူကြုံးမရ ဖြစ်ရပါတယ်။ ကိုသားကြီးတစ်ယောက် ကောင်းရာသုဂတိလားပါစေလို့ ဆုတောင်းလိုက်ပါတယ်ဗျာ ....။

သေခြင်းတရားဆိုတာကို ကျွန်တော်တို့တတွေ မေ့ချင်ယောင်ဆောင်ခဲ့ကြပါတယ်။ လူရယ်လို့ဖြစ်လာရင် စားဝတ်နေရေးအပြင် သေရေးကိုပါ ထည့်ပြီး ပူပန်သင့်တယ်လို့ မေမေ့နာရေးတုန်းက ပူဆွေးသောက ရောက်နေတဲ့ ကျွန်တော့်ကို တရားပြပေးခဲ့တဲ့ ဆရာတစ်ယောက်ရဲ့ စကားကို ပြန်ပြီး ကြားယောင်မိတယ် ...။ ဒေါက်တာအောင်ကျော် (သွား/ဆရာဝန်)ရေးတဲ့ အနေတတ်ပြီလား အသေမြတ်ပါ့မလား (သေခြင်းတရားဆောင်းပါးများ)ထဲက အလင်္ကာလေးတစ်ပုဒ်ကို ကူးယူဖေါ်ပြလိုက်ပါတယ် ...။

ကြိုမသိနိုင်သော တရားငါးပါး

လောကမှာနေ၊ လူတွေဖြစ်လာ များသူငါတို့

အသက်တိုရှည်၊ နေရမည်ကို
ကြိုတင်မှန်းဆ၊ မသိရပါ။

များလှဝေဒနာ၊ ဘယ်ရောဂါဖြင့်
သေရွာပြောင်းကြွ၊ မသိရပါ။

သေနေ့ပိုင်းခြား၊ မှတ်သားကာလ
နေ့ညချိန်ခါ၊ မသိရပါ။

မိမိရုပ်ကိုယ်၊ သင်္ဂြိုလ်မည့်သင်္ချိုင်း
မှတ်ပိုင်ကျန၊ မသိရပါ။

လားရန်အရှိ၊ ငါးတန်ဂတိတွင်
မည်သည့်ကတိ၊ ရောက်ရှိမှန်းဆ၊ မသိရပါ။

ကြိုတင်မသိကြ၊ ဤငါးဝကြောင့်
ဒါနသီလ၊ ဘာဝနာကို
ချိန်ခါရှိခိုက်၊ လုံ့လစိုက်၍
မှတ်ပိုက်သတိ၊ အမြဲရှိပါ
ဘယ်ခါသေရ မကြောက်တည်း ....။

သောင်းကျန်းလိုက်ကြပုံက

Gay တွေ၊ မိန်းမလျာတွေ သောင်းကျန်းခဲ့ကြပုံကို ဒေါက်တာမြင့်မြင့်ခင်ရေးတဲ့ လူတိုင်းအတွက်ထိုးတဲ့ ခေါင်းလောင်း ပညာပေးစာအုပ်ထဲမှာ ဖတ်လို့ သိခဲ့ရတယ် ...။ အခု သူငယ်ချင်းတစ်ယောက် ပေးထားတဲ့Beyond Love အချစ်မိုးကောင်းကင် (ဆရာမြသန်းတင့် ဘာသာပြန်) စာအုပ်ထဲမှာ မိန်းမလျာတွေ သောင်းကျန်းကြပုံကို ရေးထားတာဖတ်ပြီး ကြက်သီးဖြန်းဖြန်းထမိတယ် ...။

"သူတို့မြို့တော်ကလေးတွင် မိန်းမလျာ မဟုတ်သူ ယောင်္ကျားလျာမဟုတ်သူ ဆို၍ ဘယ်သူမျှမရှိ။ ကတ်စထရို ရပ်ကွက်တွင် ရေ၀တီ ၀တ်ကျောင်းတစ်ဆောင်၊ မိန်းမလျာ ပရိုစတင့် ဘုရားရှိခိုးကျောင်း တစ်ကျောင်း၊ မိန်းမလျာတို့၏ လက်ထပ်မင်္ဂလာကို ကျင်းပပေးသော မိန်းမလျာ ဗရင်ဂျီဘုန်းတော်ကြီးပင် ရှိလိုက်သေးသည်။

သူတို့၏ လွတ်မြောက်ရေးကို အောင်ပွဲခံရန်အတွက် အမေရိကန်မိန်းမလျာများသည် အလွန်အကျွံတွေကိုပင် လုပ်လိုက်သေးသည်။ မိန်းမလျာအားလပ်ရက်၊ မိန်းမလျာလွတ်လပ်ရေးနေ့တဲ့ ...။ နွေရာသီတိုင်း ကျင်းပသည့် မိန်းမလျာလွတ်လပ်ရေးနေ့သည် တစ်မျိုးသားလုံးအတိုင်းအတာဖြင့် ကျင်းပသည့်နေ့ဖြစ်ပြီး တစ်နိုင်ငံလုံးမှ မိန်းမလျာ ၂၅၀,၀၀၀ ကျော်တို့ လာရောက်ကြသည်။ ထိုနေ့တွင်မူ အမေရိကန်ပြည်က လိင်တူဆက်ဆံသော လူ့အဖွဲ့အစည်းကြီးတစ်ခုလုံးသည် လင်းထိန်နေသော ဆန်ဖရန်စစ္စကိုမြို့ကြီးတွင် မိမိတို့အကြိုက် မိမိတို့အကြိုက်၊ မိမိတို့ဦးစားပေးမှုကို လွတ်လပ်စွာ ရွေးချယ်ပိုင်ခွင့်ရှိကြောင်း ကြေညာကာ အောင်ပွဲကြီး ဆင်ယင်ကျင်းပကြသည်။ ထိုအထဲတွင် ဆန်ဖရန်စစ္စကို ယောင်္ကျားလျာ တက္ကစီ ဒရိုင်ဘာများအသင်း၊ နီးဗားဒါးပြည်နယ် မိန်းမလျာ ကောင်းဘွိုင်အသင်း၊ မိန်းမလျာ အမေရိကန် အိန္ဒိယန်းမျိုးနွယ်စုကိုယ်စားလှယ်အဖွဲ့၊ လိင်တူဆက်ဆံမှုလွတ်မြောက်ရေးတပ်ဦး၊ မိန်းမလျာလူနာများ အဖွဲ့ချုပ် စသည့် လိင်တူဆက်ဆံရေး အဖွဲ့တွေ စုံညီတက်ရောက်ကြသည်။

အခြားနေရာများကဲ့သို့ပင် ဆန်ဖရန်စစ္စကိုတွင်လည်း လွတ်မြောက်ရေးရသွားသော ဖိုမဆက်ဆံရေး ကိစ္စသည် စီးပွားရေးလုပ်ငန်းတစ်မျိုးကိုတည်ထောင်ထားသေးသည်။ ကလပ်များတွင် ရေချိုးခန်းများရှိသည်။ အချို့ကလပ်များတွင် ရေကူးကန်၊ ရုပ်ရှင်ရုံ၊ ကပွဲခန်းမ၊ ကိုယ်ပိုင်အိမ်ခန်း၊ သည်းထိတ်ဖိုရိပ်သာများ ရှိသည်။ အချို့နေရာများတွင်ဆိုလျှင် ကြမ်းတမ်းပြင်းထန်သော ဖိုမဆက်ဆံရေးကိစ္စများ ဆောင်ရွက်ရန်အတွက် ဇက်ကြိုးများ၊ လက်ထိတ်များ၊ သံကြိုးများနှင့် အခြားပစ္စည်းကိရိယာများ ထားသော ညှင်းပန်းရေး အလုံခန်းများပင် ရှိသည်။

နယူးယောက်မြို့မှ ကွန်တီနင်တယ် ရေချိုးကလပ်ဆိုလျှင် ပဒေသာကပွဲတစ်ခု အမြဲတမ်းရှိသည်။ နာမည်ကြီးသည့် ဟော့ဟောက်စ်ဆိုလျှင် အထပ်လေးထပ်ရှိပြီး ကြမ်းပြင်ဧရိယာပေါင်း စတုရန်းကိုက်၃၀၀၀ ကျော်ကျယ်သည်။ လူရာပေါင်းများစွာကို တစ်ချိန်တည်း လက်ခံနိုင်သည်။ ရေချိုးကလပ်များတွင် ကိုယ်ကြိုက်သူနှင့် တွဲနိုင်သည်။ ကိုယ့်ခန္မာကိုယ်ကို ကြိုက်သလို အသုံးချနိုင်သည်။ "

ဖတ်ရင်းဖတ်ရင်းနဲ့ ကြောက်လာမိတယ် ...။ သူတို့ဆီမှာ အဲဒီအချိန်တုန်းက သောင်းကျန်းခဲ့ကြရာက AIDS ရောဂါကို စတွေ့ခဲ့ကြတယ် လို့ ဆိုတယ် ...။ ကျွန်တော့်အမြင်ပြောရရင် .. ဒီမှာလည်း အင်တာနက်ကို စသုံးနိုင်တဲ့အချိန်ကစပြီး ခုချိန်ထိမှာ အဲဒီလိုမျိုးတွေ ပေါလာတယ် ...။ Friendster ကို ၀င်လိုက်ရင်လည်း တချို့တွေက အဲဒါမျိုးတွေဖြစ်နေတတ်တယ် ...။ ပတ်ဝန်းကျင်မှာလည်း ဒီကိစ္စကြီးက တော်တော်ကြီး ဖြစ်ပျက်နေကြတာ တွေ့ရတော့ စိတ်ပျက်မိတယ် ...။ ပတ်ဝန်းကျင်မှာကြားနေရတာရော ... မြင်နေရတာတွေရော ... အခု စာအုပ်ထဲပါ ဖတ်ရတော့ ... လန့်လာတယ်ဗျာ ....။

ဟယ်လို

ဒီတစ်လလုံးအလုပ်တွေရှုပ်ပြီး အရှုပ်တွေလုပ်နေတာကြောင့် ပိုစ့်အသစ်မတင်နိုင်တာကြာလှပေါ့ ...။ စိတ်ကတော့ အမြဲတမ်း ဘလော့ပေါ်ရောက်နေတယ်လို့ပြောရင် လွန်သွားမလားမသိဘူး ...။

မနေ့က သူငယ်ချင်းတွေနဲ့အတူတူ ဆည်တော်လေးကို သွားကြတယ်လေ ... ။ ကင်မရာမပါတော့ ပုံတွေတော့ ရိုက်ခဲ့ရဘူး၊ တစ်ခါမှမရောက်ဖူးဘူး ...။ ရေလုံးဝမကူးတတ်တဲ့ ကျွန်တော့်အတွက်တော့ ရေတိမ်တိမ်လေးမှာ ဘောကွင်းစီးရတာ တစ်မျိုးပျော်စရာကောင်းတယ် ...။ အဆင်းကြီးကနေ ဘောကွင်းမပါဘဲ လျှောကျသွားလိုက်တာ လက်တွေ ခြေထောက်တွေလဲ ပွန်းကုန်တော့တာပေါ့ .. ၊ ရေလာကစားကြသူတွေလည်း အများကြီးပဲ .. ရေစိမ်ပြီး ဘီယာသောက်တဲ့သူကသောက်၊ ရေလည်ခေါင်မှာ ၀ါးရင်းတုတ်ကြီး တကားကားနဲ့ ရန်ဖြစ်ကြသူတွေကဖြစ်၊ ကုန်းဆင်းကြီးကို ဘောကွင်းကြီး နဲ့စီးချပြီး ငယ်သံပါအောင် အော်သူကအော်နဲ့ တကယ်ပျော်ဖို့ကောင်းပါတယ်...။ နောက်တစ်ခါ အဲဒီကို မရောက်ရောက်အောင် သွားဦးမယ်လို့ စဉ်းစားထားသေးတယ် ....။

မနေ့က Skywalk ရှေ့မှာ ဆိုင်ကယ်တွေအများကြီးပဲ .. ဘာများလဲဆိုတော့ HipHop Show ရှိတယ်တဲ့လေ ... ကိုယ့်အလုပ်ကိုယ်ရှုပ်ချင်ယောင်ဆောင်နေတာနဲ့ ဘာမှတောင် သိလိုက်ရဘူး ... မန္တလေးက Rapper တွေရဲ့ Free Show ပွဲဆိုပဲ ...။

ပိုစ့်တွေတင်စရာအများကြီးရှိသေးတယ်...။ နောက်ရက်ကျ တင်မယ်နော် .....

ကိုယ်လုံးတီးမြို့ဖြတ်ပြေးပွဲတော်ကျင်းပမည်

စိတ်ဝင်စားသွားပြီလား? စိတ်ဝင်စားတယ်ဆိုရင် ပါဝင်ဆင်နွဲချင်သူများကို စတင်စာရင်းလက်ခံနေပါပြီ။

ပါဝင်ယှဉ်ပြိုင်လိုများသည် ကိုယ်ရေးမှတ်တမ်း၊ အကျင့်စာရိတ္တကောင်းမွန်ကြောင်းထောက်ခံချက်၊ ရဲစခန်းထောက်ခံချက်၊ မှတ်ပုံတင်မိတ္တူ၊ ပတ်စပို့အရွယ်ဓါတ်ပုံ၅ပုံနှင့် ပါဝင်ယှဉ်ပြိုင်လျင် ပြိုင်ပွဲသို့လာရောက်မည့် စတိုင်နမူနာဓါတ်ပုံ ၃ပုံနှင့်တကွ ၇ရက်အတွင်း လာရောက်လျှောက်ထားနိုင်သည်။
မှတ်ချက်။ လူဦးရေ ကန့်သတ်ထားပါသည်။

---------------------------------------------------------------------------------------------------
အလကားပြောတာပါဗျာ။ Phatpa.com မှာ ဖတ်ရလို့ အံသြသင့်ပြီး တင်လိုက်တာပါ ... တကယ်မထင်လိုက်ပါနဲ့ဗျာ ... (သွား ...လူဇိုး ... သူများက အဟုတ်မှတ်လို့) လို့မပြောနဲ့နော် .... :P အပြည့်အစုံကို ဖတ်ကြည့်လိုက်ပါဦး .. စိတ်ဝင်စားရင် ......

လက်ဗီးယမ်းနိုင်ငံတွင် နွေလယ်ပွဲတော် အထိမ်းအမှတ်အဖြစ် ကိုယ်လုံးတီးပြေးပွဲတစ်ရပ် ကျင်းပပေးမည် ဖြစ်ကြောင်း၊ စီစဉ်သူများက ပြောကြားခဲ့သည်။
လုံးတီးပြေးပွဲတွင် ယောက်ျား၊မိန်းမ၊ လူမျိုးမရွေး၊ အသက်မရွေး အားလုံးပါဝင် ယှဉ်ပြိုင်နိုင်ကြောင်းဖြင့် လက်ဗီးယမ်းနိုင်ငံ အနောက်ဖက်ရှိ လူလ်ဒီဂါမြို့တော်ကောင်စီမှ ကောင်စီဝင်တစ်ဦးက ပြောခဲ့သည်။
လက်ဗီးယမ်းနိုင်ငံတွင် ထင်ရှားသော အားလပ်ရက် တစ်ရက်ဖြစ်သည့် Jani နေ့ အထိမ်းအမှတ်အဖြစ် ဇွန်လ ၂၄ ရက်နေ့၌ မြို့ပတ်ပြေးပွဲကို ပေ ၅၀၀ အရှည်ရှိ အုတ်တံတားပေါ်ဖြတ်၍ ကိုယ်လုံးတီး ပြေးကြရမည် ဖြစ်သည်။
ကူလ်ဒီဂါမြို့၌ လွန်ခဲ့သော ၇နှစ်ကာလကတည်းကပင် ဤကဲ့သို့ ကိုယ်လုံးတီး မြို့ပတ်ပြေးပွဲကို ကျင်းပခဲ့ရာ လူအများ စိတ်ဝင်စားခဲ့ကြသည်။
သို့သော်လည်း ပြူရီတန် ဘာသာရေး သမားများက ဆန့်ကျင်တားဆီးမှုများ ပြုလုပ်မည် စိုး၍ ရဲတပ်ဖွဲ့လုံခြုံရေးလည်း ချထားပေးမည် ဟုဆိုသည်။
ခံနိုင်ရည်ရှိသော အပြေးသမားများကို ဘီယာဆုများ ပေးမည်ဟု သိရသည်။ အများအားဖြင့် လုံးတီးပြေးပွဲတွင် ပါဝင်ဆင်နွှဲကြသူများထက် ဘေးမှရပ်ကြည့်သူ ပို၍များသည် ဟုဆိုသည်။

News from PhatPa.com

ပျော်ရွှင်စရာ မိသားစုဘ၀

လက်ကလေးကို ပျော်စရာ မိသားစုလေးအဖြစ် ဖန်တီးကြည့်ရအောင် ...။ ဟိုတစ်နေ့က အိမ်မှာတစ်ယောက်တည်း ပျင်းတာနဲ့ လျှောက်လုပ်ကြည့်မိတယ်...။ ဘာရယ်မဟုတ်ဘူး ၊ အပျော်ပေါ့...။



ကင်မရာစမ်းရင်းနဲ့ ဖြစ်သွားတာလေ ...။ ရိုက်စရာမရှိတော့ ကိုယ့်လက်ကိုယ် ဓါတ်ပုံရိုက်ရင်း စိတ်ကူးရတာနဲ့  မိသားစုလေးအဖြစ် ဖန်တီးပစ်လိုက်ပါတယ်...။ ဘောပင် အနီ၊အနက်၊ အစိမ်း၊ အပြာ ကိုရှာပြီး ခုလို လက်တစ်ချောင်းချင်းစီမှာ ဆွဲလိုက်တော့ ခုလို ပျော်စရာကောင်းတဲ့ မိသားစုလေးကို ရပြီပေါ့ ...။

၅ယောက်ဆိုတော့ ကျွန်တော်တို့ မိသားစုနဲ့ ကွက်တိပဲလေ ... ။ ခုတော့ အဲဒီလို ပျော်စရာ ဘ၀လေးဟာ ပျောက်ဆုံးသွားပါပြီ ...။ အမတွေလည်း အိမ်ထောင်ကျပြီး တစ်နှစ်မှ တစ်ခါလောက်သာ တွေ့နိုင်တော့တာ ...။ မေမေကလည်း လောကကြီးက ထွက်ခွာသွားတော့ ဒီလို မိသားစုလေး ဓါတ်ပုံရိုက်ဖို့ဆိုတာ မဖြစ်နိုင်တော့ပါဘူး ...။ ကိုယ့်လက်မှာဆွဲထားတဲ့ မိသားစုလေးဟာ တစ်ယောက်နဲ့တစ်ယောက် နွေးထွေးကြင်နာစွာနဲ့ ပျော်ပျော်ရွှင်ရွှင် စိတ်ချမ်းသာနေကြတာကို ကြည့်ရင်း ကြည်နူးမိတယ် ...။


ရိုက်ပီ .. မျက်တောင်မခတ်ပါနဲ့ ... ဟုတ်ပီ .. ပြုံးပြုံးလေး .. ချက် ....

ဘလော့ဂါသူငယ်ချင်းတွေရော ... ကိုယ့်လက်ကလေးကို အဲဒီလိုလေး ဖန်တီးကြည့်ပါလား ... အားရင်ပေါ့ ... ပျော်စရာကောင်းပါတယ်ဗျာ ... ပြီးရင် ဓါတ်ပုံရိုက်ပြီး ပြပါဦး ... ။ ကျွန်တော်လည်း ကြည်နူးချင်လို့ပါ ...။

မိုးတွေရွာရင်

မေမေကျွန်တော့်ကိုဗိုက်ခွဲပြီး မွေးဖွားနေစဉ်ကတည်းရင်း ကောင်းကင်ကြီးတစ်ခုလုံး မဲမှောင်ပြီး မိုးတွေထစ်ချုန်းရွာနေတယ်လို့ လူကြီးတွေ ပြောပြလို့သိရတယ်လေ။ မေမေ့ဗိုက်ကို ချုပ်ပြီးတော့မှ တိတ်သွားခဲ့တာတဲ့ ...။ အဘွားကတော့ မိုးနက္ခတ်ပါတယ်ဆိုပြီး ကျွန်တော့်နာမည်မှာ `မိုး´ တောင်ထည့်ထားလိုက်သေး ။ ကျွန်တော်၃တန်းအရွယ် စစ်ကိုင်းရွှေဟင်္သာမှာ ရှင်ပြုတော့လည်း၊ နေ့လည်ပိုင်း ဆံချနေတုန်း မိုးတွေ ချက်ချင်းမဲလာပြီး ရွာလိုက်တဲ့မိုးဟာ အချိန်တော်တော်ကြာတယ်၊ သင်္ကန်းစီးပြီး ကိုရင်ဖြစ်ပြီဆိုမှ တိတ်သွားခဲ့တာလေ၊ တိုက်ဆိုက်လိုက်ပုံများ ...။

ကလေးဘ၀ကိုမိုးများတဲ့ မိုးကုတ်မှာကြီးပြင်းခဲ့ရတာဆိုတော့ မိုးရွာတာဟာ ကျွန်တော့်အတွက် အဆန်းမဟုတ်ခဲ့သလို ဘာမှထူးထူးခြားခြား မခံစားခဲ့ဖူးပါဘူး ၊ တခါတလေ မိုးတွေက နေ့စဉ်ရက်ဆက် မပြတ်လို့သာ စိတ်ညစ်ခဲ့ရတာလေ။ ကျောင်းသွားကျူရှင်သွားရင် ထီးတစ်ချောင်းနဲ့ အမြဲ အဖော်လုပ်ခဲ့ရတာပေါ့ ...။ စွေပြီးရွာနေတဲ့ မိုးက တိတ်သွားပြီး နေရောင်လေးထွက်လာရင် သူငယ်ချင်းတွေနဲ့အတူ အိမ်ရှေ့မြေကွက်လပ်မှာပေါ်နေတဲ့ ကျောက်နီနီလေးတွေ ပြေးကောက်ခဲ့ရတာ လွမ်းမိပါသေးတယ်။ တစ်ခါကတော့ မိုးတွေရွာတာ မိုးသီးတွေက ကွမ်းသီးလောက်ကြီးတွေရှိလို့ အိမ်မှာတပ်ထားတဲ့ ပလပ်စတစ်သွပ်မိုးကြီး ဂျွတ်ဂျွတ်မြည်အောင် ကျိုးပါရောလား ...။ ပြီးတော့ ခြံထဲဆင်းပြီး ဖွေးနေတဲ့မိုးသီးတွေ လိုက်ကောက်ကြတယ်...။ ရေခဲဘူးထဲ ထည့်ထားပြီး မေမေက ရွှေရင်အေး လုပ်ကျွေးတယ်...။

မိုးကုတ်မှာ ၀ါတွင်းရောက်လို့ လပြည့်လကွယ်ဥပုသ်ဆိုရင် ဘုရားကို သွားပြီး အာရုံဆွမ်းကပ်ကြတယ်လေ ... အဲဒီလိုသွားတဲ့တစ်ရက်ကတော့ မိုးတွေတအားရွာလာလို့ မနက်အစောကြီးမှောင်မှောင်မဲမဲထဲမှာ ဆွမ်းအုပ်ကို ခေါင်းပေါ်ရွက်ထားတဲ့ မေမေက မြောင်းထဲခြေချော်ကျပြီး လဲပါရောလား ...။ လမ်းပေါ်မှာ ခြေသလုံးလောက်ရှိတဲ့ရေတွေထဲမှာ လဲနေတဲ့မေမေ့ကိုမထူပဲ ... မောင်နှမသုံးယောက် ရေထဲမျောပါကုန်တဲ့ သစ်တော်သီးတွေ၊ ပန်းသီးတွေကို ကလေးပီပီ ကုန်းရုန်းပြီး လိုက်ကောက်ခဲ့ကြဖူးတာကို ဘယ်တော့မှ မမေ့နိုင်ပါဘူး ...။ မေမေ့ကို လွမ်းလိုက်တာ ...။

၁၀တန်းဖြေပြီးတော့ မန္တလေးကိုရောက်လာတဲ့အခါ ရာသီဥတု ပူလွန်းတဲ့အတွက် မိုးကို မျှော်မိတယ်။ မိုးတွင်းဘယ်တော့ရောက်လာလေမလဲလို့ စောင့်ခဲ့ရတာအမောပါပဲ။ မိုးရွာနေတဲ့အခါ ကျုံးဘေးမှာ စက်ဘီးစီးရတဲ့အရသာကို ဘာနဲ့မှ မလဲနိုင်ခဲ့ပါဘူး။ မိုးတွေ တအားရွာရင်တော့ အိမ်ထဲမှာပဲနေတယ်...။ ဆူညံနေတဲ့ မိုးသံကို အကာအကွယ်လုပ်ပြီး သီချင်းတွေ အကျယ်ကြီး အော်ဆိုပစ်လိုက်တာပါပဲ ...။ မိုးရွာတာကိုကြိုက်တယ်...။ မိုးရွာလို့ဖြစ်လာတဲ့လမ်းပေါ်က ရေတွေကို တော့ မကြိုက်ဘူး ... သွားရလာရခက်တယ်.. မန္တလေးမှာ အဲဒီဒုက္ခက တော်တော်ဆိုးတယ် ...။ တစ်နေ့ကလည်း ၇၃လမ်းပေါ်မှာ ရေဘေးဒုက္ခသည် ဖြစ်သွားသေးတယ် ...။

ဘာပဲပြောပြော မိုးတွေရွာရင် ကျွန်တော်ပျော်တယ် ... ကောင်းကင်ပေါ်ကကျလာတဲ့ မိုးရေတွေကို ချစ်တယ် ...

Photo from : http://www.travelpod.com

အရည်မရ .. အဖတ်မရ

ပစ္စည်းတစ်ခုဈေးသိချင်တာနဲ့ ၈၄လမ်းပေါ်က ဆိုင်တစ်ဆိုင်ထဲကို ခဏ၀င်တယ် ၊ ဈေးမေးပြီး ပြန်အထွက်မှာ ဆိုင်ရှေ့မှာ ရေတွေရှိနေတာကြောင့် ရေမရှိတဲ့နေရာသွားလိုက်တယ်၊ အဲဒီမှာ ပေစုတ်စုတ် ညင်းသိုးသိုး ကုလားတစ်ယောက်က လမ်းပေါ်က ရေတွေထဲကို ပျစ်ကနဲ ပျစ်ကနဲ ကွမ်းတံတွေးတွေ အားရပါးရ ထွေးထုတ်နေလေတော့ ... ထိမှာစိုးတာနဲ့ သူထွေးလို့ပြီးအောင် ခဏစောင့်နေလိုက်တယ်။ သူပြီးလောက်ပြီဆိုပြီး လှစ်ခနဲ ရေအိုင်ကို အကျော်မှာ ... ပျစ်ကနဲထွေးထုတ်လိုက်တဲ့ ကွမ်းသွေးတွေကြောင့် ကျွန်တော့်နောက်ကျောတစ်ခုလုံး ကွမ်းသွေးတွေ ချင်းချင်းနီသွားပါပြီ ... မတောင်းပန်တဲ့အပြင် ထောင့်မကျိုးတဲ့ မျက်နှာပေးနဲ့ ကုလားက ဘယ်သူ့မှဂရုမစိုက်ဘူးကွ ဆိုတဲ့ အပေါက်မျိုးနဲ့ပါ ... သည်လိုကောင်မျိုးနဲ့ ဖက်ပြီး မပြောချင်တာရယ်၊ လမ်းပေါ်မှာ ရန်ဖြစ်ရမှာရှက်တာရယ်ကြောင့် ဒေါသကို မျိုသိပ်ပြီး ပြန်ခဲ့ပါတယ်။

ကျွန်တော့်လို အထွေးခံရသူတွေ ဘယ်နှယောက်များရှိသလဲလို့ စဉ်းစားမိပါတယ်။ မန္တလေးကို စရောက်စကတည်းကရင်း အဲဒီဒုက္ခကို ခဏခဏကြုံရတယ်... လမ်းပေါ်မှာ ကိုယ့်ရှေ့ကနေ စက်ဘီးစီးရင်းထွေးတယ်.. ဆိုက်ကယ်စီးရင်းထွေးတယ် ... ကားမောင်းရင်းထွေးတယ် ... ကားစီးရင်းထွေးတယ် ... ။ အံ့သြဖို့တော့ကောင်းတာတစ်ခုက သူ့ပါးစပ်ထဲက ကွမ်းသွေးတွေကို ထွေးထုတ်တဲ့အခါ သူ့ကိုယ်သူပေမှာစိုးလို့ လက်ကလေးက ကာလိုက်သေး ... ပြီးမှ ခပ်ဝေးဝေးဘေးတစ်နေရာကို ပျစ် ခနဲ ထွေးလိုက်တာ .. နောက်ကလူတွေ၊ ဘုန်းကြီးတွေ၊ ဆရာမတွေ၊ ကလေးတွေကို စင်ကုန်တော့တာပါပဲ ...။ တော်တော်အောက်တန်းကျပြီး စုတ်ပဲ့တဲ့လုပ်ရပ်လို့ပဲပြောချင်တယ်... ။

ကွမ်းစားတဲ့သူတွေကိုယ့်ပိုက်ဆံနဲ့ကိုယ်၊ ကိုယ့်ပါးစပ်နဲ့ကိုယ် စားကြ၀ါးကြတာ ဘာမှ ပြောလို့မရပေမယ့် ပါတ်ဝန်းကျင်ကို ထိခိုက်တာတော့ ဆိုးရွားလွန်းတယ် ...။ ရှေးလူကြီးတွေပြောတဲ့ အရည်မရမဖတ်မရဆိုတာ ဒါကို ပြောတာထင်တယ် ...။ ဘလော့တစ်ခုမှာဖတ်လိုက်ရတယ်...။ လမ်းဘေးမှာကွမ်းရောင်းရင် စည်ပင်က ဒဏ်ငွေတပ်တော့မယ်ဆိုလား ...။ အဲဒီဟာက တကယ်ကြပ်ကြပ်မတ်မတ်နဲ့ တကယ်ခိုင်မာရင်၊ တကယ်လုပ်မယ်ဆိုရင်ကောင်းပါတယ်...။ (အဖျားမရှုးရင်ပေါ့) .. ကျွန်တော်သာ သမ္မတဖြစ်ရင် ကွမ်းယာရောင်းသူတွေပါမကဘူး ... သတ်မှတ်ဧရိယာမှာ ကွမ်းယာစားတဲ့သူတွေ့ရင်ဖမ်း၊ ဒါဏ်ငွေတပ်၊ ကွမ်းယာစားဖို့သတ်မှတ်ထားတဲ့ သီးသန့်နေရာမှာ ကွမ်းကို သေအောင်စား .. စုတ်ပြတ်သတ်အောင် တစ်ယောက်နဲ့တစ်ယောက် အပြန်အလှန် ထွေးကြပေါ့ ... မကောင်းဘူးလား ... အဲဒီလို လုပ်ပစ်ချင်တယ် ...။

ကွမ်းယာဗလပျစ်စားသူတွေ၊ စည်းမရှိကမ်းမရှိ တောင်ထွေးမြောက်ထွေး ထွေးကြသူတွေ၊ စကားပြောကောင်းရင် လက်ကာပြပြီး ကွမ်းသွေးထထွေးသူတွေကို ကြည့်မရပဲ သောက်မြင်ကပ်နေမိတယ်....

ဝမ်းစာ

နေ့စဉ်နဲ့အမျှ အချိန်နဲ့အချိန် ၀မ်းမီးကို ဖြည့်တင်းနိုင်ဖို့ ရှာဖွေရုန်းကန်လှုပ်ရှားရသူတွေထဲမှာ သူလည်းအပါအ၀င်ပေါ့ ... ခုချိန်မှာ ဟာနေတဲ့ဝမ်းကို ဖြည့်ဖို့အတွက် ကိုယ့်အန္တရယ်ကိုယ် မမြင်နိုင်ဘဲ ... ဆာလောင်ငတ်မွတ်စွာ စားသောက်နေတဲ့ လမ်းဘေးခွေးတစ်ကောင်ဟာ အရာရာကို မေ့လျော့လို့နေပါတယ် ...

ဖတ်မိတဲ့ ကဗျာတစ်ပုဒ်

ဟိတ်ဟန်

စားတော့လည်း ဟိတ်နဲ့ဟန်နဲ့ ...

သွားတော့လည်း ဟိတ်နဲ့ဟန်နဲ့ ...

နေတော့လည်း ဟိတ်နဲ့ဟန်နဲ့ ...

ဝတ်တော့လည်း ဟိတ်နဲ့ဟန်နဲ့ ...

ပြောတော့လည်း ဟိတ်နဲ့ဟန်နဲ့ ...

ရေးတော့လည်း ဟိတ်နဲ့ဟန်နဲ့

ဒီလိုနဲ့

တစ်သက်လုံးလုံး

ဟိတ်ဟန်တွေ သုံးလိုက်တာ ...

နောက်ဆုံး

မီးစက်ထဲ ပြာလုံးလုံးဖြစ်တာတောင်

မီးဟုန်းဟုန်းတောက်ချင်သေး ...။ ။

(မောင်တည်ငြိမ်)
Face Magazine (May,2007)

ကြိုက်လို့ ကူးယူဖော်ပြလိုက်ပါတယ် ...။ ဒါနဲ့ စကားမစပ် . (ကိုမောင်လှရေ ..စကားလုံးခဏယူသုံးတယ်ဗျို့) အဲဒီ Face မဂ္ဂဇင်းမှာ မြန်မာဗီဒီယိုဇါတ်ကားများ ကြည့်ပြီး ရရှိလာသော ဗဟုသုတ ၁၀၁ ဆိုပြီး ၏ သည်မရွေး ဖော်ပြထားတယ်ဗျ .. ရေးသူ ဘယ်သူဘယ်ဝါဆိုတာ တစ်လုံးမှ မပါဘူး .. ကြုံရင် ကြည့်လိုက်ကြပါဦး ....။